شريت ماك بوك برو بسعر مخفض وجميل

يا هلا بالجميع!

قررت اشتري ماك بوك برو M3 Pro و 512 قيقا و18 قيقا رام. هنا بالسعودية سعرة بـ9500 ريال!

قبل سنة تقريباً احد اقاربي راح للإمارات فطلبت منه شراء ايباد برو وعطيته تعريف الطالب (عشان خصم الطلاب) وفعلاً حصلت على خصم الطلاب بدون مشاكل. قبل اسبوعين تقريباً راح احد الاقارب وعطيته تعريف الطالب ولكن حصلت مشكلة! موظف متجر ابل (سوداني الجنسية) قال أنهم هذي السنة مشتددين! ولازم يجي والد الطالب او الطالب نفسه! حاولت معه قلتله بعطيك الهوية وبصور وجهي عشان أؤكد لك قال ودي اساعدك بس ما يقدر..إلى أن قال بجرب شيء واذا ضبط بتحصل على خصم اكثر من الخصم الطلاب! شيء اسمه Price Matching او مطابقة الاسعار والاسعار بالصور :

سعر الجهاز في جرير

مقارنة الأسعار بالإمارات

السعر الإجمالي

السعر بالسعودية : 9500

السعر بالإمارات : 8500 درهم ≈ 8674 ريال

السعر بالإمارات مع خصم الطلاب : 7900 درهم ≈ 8026 ريال

السعر بالإمارات مع مطابقة الأسعار (السعر الي حصلت عليه) : 7649 درهم ≈ 7807 ريال

إذا راح تجربون هذي الطريقة اضغطوا على الموظفين وإن شاء الله تحصلون على ما تريدون بأقل سعر 😁❤️!

هذا المقال كان بالأصل تم نشره في البوابة الرقمية.

https://www.adslgate.com/thread.php?t=2748793